Pig-enganyar kan Philippine Stock Exchange Inc. (PSE) an Social Security System (SSS) asin an Government Service Insurance System (GSIS) na orog pang pakusugon an saindang partisipasyon sa stock market.
Katuyuhan kan PSE na engganyaron an SSS asin GSIS na buhayon asin pahiwason an mga programang pautang na may obhetong suportaran an stocks investment para sa saindang milyun-milyong miyembro.
Segun ki PSE President Ramon Monzon, an pag-asenso na ini igwa nin importanteng katuyuhan: nganing dagdagan an liquidity, o an rikas kan hiro kan kwarta, asin magtao nin mas dakulang buhay sa lokal na stock market.
Sa irarom kan propuestong ini, an mga miyembro kan SSS asin GSIS magkakaigwa nin oportunidad na magbakal nin mga piling blue-chip stocks, na pigbibisto bilang pira sa mga pinaka-establisar asin masasarigan na mga kumpanya sa nasyon.
An SSS o GSIS iyo an magiging trustee sagkod na an miyembro makabayad kan saindang inutang na kantidad para sa nasabing puhunan.
Katakod kaini, aktibong man pigbubusol kan PSE an integrasyon kan nasabing programa sa irarom kan Personal Equity and Retirement Account (PERA).
An lakdang na ini may katuyuhan na mapalawig asin madagdagan an mga mandatory benefits na nareresibe kan mga obrero sa nasyon, na nagbubukas kan dalan para sa pag-uswag kan mas estable asin matibay na lokal na bourse o stock market.
 has encouraged the Social Security System (SSS) and the Government Service Insurance System (GSIS) to further strengthen their participation in the stock market.){kind=link}