LEGAZPI CITY—Sinaysay kan sarong barangay kapitan na agyat sainda an kun madadagos o ma-ooctaba an Barangay and Sangguniang Kabataan Elections sa Nobyembre 2, 2026.
Segun ki Kap. Harold Bembenuto kan Brgy. Padang, Legazpi City, sa intrevista kan Bombo Radyo Legazpi, kabale sa implikasyon kaini an mga dae madadagos an mga dae pa naimplementar na mga programa o proyekto urog na kun nasa katahawan kan election period asin made-defer ini sagkod sa masunod na fiscal year.
Afuera digdi an dae ninda suboot aram an itataram sa mga ‘political leaders’ na nakiki-update sainda.
Nanindugan man an opisyal na ipapadagos ninda an saindang trabaho mantang pighahalat an desisyon kun madadagos an eleksyon ngunyan na taon o maooctaba.
Pigtawan-doon pa kaini na wara man sindang problema sa kun ano man an desisyon kan Senado o kan Presidente mapadapit sa nasabing orolay.
