LEGAZPI CITY- Pinag-aantisiparan na an paglangkaw kan presyo kan karning urig ngunyan na ‘ber months’ huli ta paparani na an holiday season.
Segun ki AGAP Partylist Rep. Nicanor Briones sa intrevista kan Bombo Radyo Legazpi na normal sana an arog kaining mga sitwasyon huli sa paglangkaw kan demand kaya kinakaipuhan na mapalangaw an suplay sa nacion.
Nanindugan kaya an opisyal na mas salbado man liwat na ikonsumo an Pinoy pork o lokal na suplay kumparar sa mga pig-aangkat hali sa ibang nacion.
Huli digdi, sinabi kan kongresista na kinanakaipuhan na mai-rollout na an pagbabakuna kontra sa African Swine Fever ngani na mahiling an antibody kun epektibo ini na oanglaban sa helang.
Paliwanag ni Briones na kun mapapatunayan na epektibo an bakuna, dapat na magpaotob na nin emergency use ngani na magamit kan mga nasa hog industry.
Kinakaipuhan kaya suboot na magkaigwa nin bastanteng suplay nin karnent urig sa nacion na hali mismo sa lokal na produksyon.
