LEGAZPI CITY – Bako katanggap-tanggap para sa sarong election watchdog an ginibong pagkansela sa Barangay and Sangguniang Kabataan Elections (BSKE) makalihis pirmahan ni Presidente Ferdinand Marcos Jr. an Republic Act 12232 na pagpapa-octaba kaini.
Nakasaad kaya sa nasabing ley na imbes na sa Disyembre 1, 2025, isasagibo na an BSKE sa masunod na taon sa Nobyembre 2, 2026.
Segun ki Kontra Daya Convenor Prof. Danilo Arao sa intrevista kan Bombo Radyo Legazpi na mapagal para sa namamanwaan an pagkansela kan pirilian ngonian na taon huli ta magkakawsa ini nin domino effect poon sa local level pasiring sa national level.
Paliwanag niya na sa paagi kan bagong ley an napalawig an termino kan mga barangay asin Sangguniang Kabataan na hale sa tulong taon magigin apat na taon na ini kun kaya pwedesir na maghirit an mga nasa local asin national position nin extension man kan saindang mga termino.
Huli man sa extended term kan mga nasa Barangay level an hihilingon suboot ini na utang na loob kan mga nagbusol asin magkakaigwa nin kadakol na panahon an mga madaralagan sa 2026 BSKE o maski sa 2028 Presidential Elections.
Pigtaram pa niya na kun nagibong kanselahon an pirilian para sa mga Barangay and SK positions an dakula an posibilidad na may magbusol man na kanselahon an Midterm o maski an Presidential Election.
Alagad pagdoon niya man na maski anong pagkansela kan pirilian o pagbabago sa sistema kan gobierno an dae nuarin man mauswag an satuyang nacion.
Nagtutubod man si Arao na dakulang bentahe sa mga presenteng politiko sa local and national positions an Republic Act 12232 huli ta gagamiton ninda ini nganing makapagtipon sinda nin mas dakol na kaalyado sa Barangay level na gagamiton man ninda sa saindang ambisyon para sa 2028 Presidential Election.
 after President Ferdinand Marcos Jr. signed Republic Act 12232 ordering its cancellation is unacceptable for an election watchdog.){kind=link}