Tinawan importansya kan saro sa mga co-convenor kan Atin Ito coalition an nagin desisyon kan Arbitration court sa pinag-aagawang teritoryo o parte kan kadagatan na West Philippine Sea.
Kasabay ini kan saindang isinagibong ‘civilian mission’ sa nasabing teritoryo kun kaya mawot kaining ipagirumdom sa publiko an nagin pagkagana kan Pilipinas kontra sa nacion kan Tsina.
Segun yan mismo sa eklusibong intrevista kan Bombo Radyo Philippines kay Kiko Aquino Dee, co-convenor kan Atin ito coalition kan siya an mahapot mapadapit digdi.
PAgdoon kaya niya na tanging an Pilipinas sana an may konkretong pinanghahawakan na maipapahiling asin makapagpapatunay na naipagana kan nacion an kaso sa arbitration court kan 2016.
Alagad dae suboot pighahale an mapagal na sitwasyong pigkakahampang kan nacion huli sa kakayanan asin kapasidad na igwa an gobyerno kan Tsina sa pirit kaini pang-aangkin kan teritoryong dae man ninda kagsadiri.
Kun kaya arug na sana an tapat na pag-tuga kasabay kan pag-omaw na dakulang bagay para sa nacion an nagin pagkagana kaini sa kaso kan teritoryong West Philippine Sea.
An nasabing mga pahayag ni Kiko Aquino Dee, co-convenor kan nasabing koalisyon an katakod sa nangyari na radio challenge kan China mantang naglalayag an pigsasakayang barko na MV Kapitan Felix Oca.
Alagad siringman, an mga kataraid na nacion man kan Pilipinas an nagpahayag kan saindang pakikisumaro sa pagbubusol kan katunongan sa West Philippine Sea.
Kun saen suportado suboot ninda an ipigbubusol na mensahe kan Atin ito coalition na pagkakasararo sa ibong kan mga kontrobersiya o isyu sa nasabing teritoryo.
