LEGAZPI CITY – Tama suboot an sinabi ni Senate Majority Leader Vicente “Tito” Sotto III na bako sana reckless kundi dangag an mga drivers sa Pilipinas.
Segun ki PSupt. Nilo Berdin, hepe kan Legazpi City Police Station, saro kaya sa kawsa kan mga aksidente sa tinampo an pagiging mangmang kan mga drivers sa ley trapiko.
Kun kaya suhestiyon ni Berdin na kaipuhang maging istrikto sa pag-implementar nin rules sa pag-isyu asin pag-renew kan drivers’ license an Land Transporation Office (LTO).
An LTO kaya suboot an lead agency sa pagtao kan lisensya kun kaya nasa sainda an basol.
An mga kwalipikadong indibidwal na nagsairarom sa tamang proseso an dapat sana suboot matawan nin lisensya.
Dugang kaini, dapat suboot ipautob kan LTO an direktiba base sa saindang ley asin warang tatawan nin exception.
Dae dapat suboot pairalin an pigsasabing ‘money talks’ sa anumane ahensya de gobyerno.
Segun pa sa hepe, bako rason an hanapbuhay ngane magbalgar ki ley huli ta sarong pribelehiyo an pagkakaigwa nin lisensya kun saen saro ining kontrata sa gobyerno na obligadong magsunod sa anumang ley trapiko.
