LEGAZPI CITY – Nilinaw kan sarong kongresista na resulta kan kasunduan kan nagkapirang bus company asin Metropolitan Manila Development Authority (MMDA) an pagpapadagos kan dry-run sa provincial bus ban sa EDSA ngonian na aldaw, Agosto 7.
Magigirumduman na nagbaba nin writ of preliminary injunction an Quezon City Regional Trial Court (RTC) Branch 223 kontra sa bus ban.
Ipigbuyagyag ni Ako Bicol Party-list Representative Alfredo Garbin Jr. sa intrevista kan Bombo Radyo Legazpi na kasabay kan kamawotan sa pagtapos sa orolay sa provincial bus ban, mawot naman kaini na madagos an dry-run tangarig na maipahiling na bako aplikable an nasabing lakdang.
Segun ki Garbin na kun maprobaran na bako man epektibo an ipapaotob na bagong polisiya, dapat sanang abandonaron na ini kan MMDA.
Wara man suboot na isinagibong pag-aadal na magtataong-suporta kan datos sa nasabing polisiya mantang an kasaraditan sana man an masapar.
Mientras tanto, aminado man si Garbin na nagtetenir na ‘cold’ an Korte Suprema sa ipigsunad na mosyon sa immedietamenteng resolusyon sa kan kaso asin nahahaluyan man suboot an pagbaba kan desisyon digdi.
