LEGAZPI CITY – Hinigotan pa kan Philippine Drug Enforcement Agency (PDEA) an koordinasyon sa Philippine Navy tangarig mabantayan an mga kadagatang harani sa rehiyong Bicol, magin an mga pasiring sa Visayas asin Mindanao.
Ini makalihis an makapirang beses na man na narekober na mga bloke nin cocaine sa nasabing parte kan kadagatan, partikular na sa Sorsogon, Albay, Camarines Provinces asin an pinakahudyan an sa Dinagat Island.
Sa ekslusibong intrevista kan Bombo Radyo Legazpi ki PDEA Bicol Director III Christian Frivaldo, ipigduon kaining wara pa sindang namomonitor na produksyon kan cocaine sa rehiyon mantang sadit sana man na porsyento kan mga naggagamit kaini urog na mahal an presyo kumpara sa marijuana asin shabu.
Katakod kaini, nagtutubod an opisyal na transhipment sana an nacion kan mga drug syndicates na posibleng nagagamit pa nin ‘ghost ships’ tangarig na dae malocate sa radar.
Mientras tanto, dae man pighahali kan PDEA an posibilidad na may koneksyon an mga iligal na droga sa Sinaloa Drug Cartel sa Amerika kaya’t ipinadara na an forensics sa Headquarters sa isasagibong profiling tangarig na maaraman an kalidad asin kun sain gibo an mga nasabing kontrabando.
