LEGAZPI CITY- Ipinaliwanag kan Philippine Atmospheric Geophysical and Astronomical Services Administration (PAGASA) an namataan na Burias Island sa provincia kan Masbate.
Ini makalihis na magdara nin pagkahadit sa publiko an nasabing insidente.
Napag-araman na antes an nairehistrong waterspout o ipo-ipo sa nasabing isla, enot nang nakapagrehistro nin buhawi sa banwaan kan San Pascual kan nakalihis na Biyernes.
Segun ki PAGASA Masbate officer Rizza Bartolata sa intrevista kan Bombo Radyo Legazpi, kan nakalihis na mga aldaw nairehistro an dakol na thunderstorm activities na mas pinakusog pa kan nag-aging bagyong Henry.
Paliwanag kan opisyal na an thundrrstorm an igwang limang hazard na kumpwesto kan makusog na pag-uran, makusog na paros, pag-uran nin yelo, buhawi asin ipo-ipo.
An mga siring na pangyayari an bako na suboot bago tuyong nagkakaigwa nin thunderstorm activities sa sarong lugar.
Dugang pa ni Bartolata na an ipo-ipo an posibleng umabot sa 450 km/hour an wind speed kaya kaya kaining higupon an anuman na bagay na harani digdi.
Huli sa darang peligro, nagpatanid an opisyal sa publiko na enkasong makahiling nin kaparehong penomena, siertuhon na makakarayo ngani na maisalbar an sadiri asin marayo sa peligro.
