LEGAZPI CITY- Target kan nagpapadagos na 1st Fisheries Professionals Summit sa provincia kan Albay na maipaaram sa komunidad an mga pigigibo kan mga fisheries professional sa nacion.
Segun ki Albay Provincial Agriculturist OIC Daryl John Buenconsejo sa intrevista kan Bombo Radyo Legazpi na parte kan nagpapadagos na summit an manlain lain na ahaensya de gobierno, stakeholders asin mga international partners siring kan eskwelahan hali sa Sri Lanka asin Thailand na presenteng nasa Albay.
An nasabing aktibidad an suportado man suboot kan national government.
Katakod kaini, sinabi kan opisyal na saro sa mga obheto ninda na maibusol an pagkakaigwa nin Department of Fisheries na matutok sa pangangaipo kan nasabing sektor.
Pagbuyagyag kan opisyal na sa bilog na Asia Pacific Region, solamenteng an Pilipinas na sana an wara kan nasabing departemento.
Sa irarom kan Department of Fisheries, pinaglalaoman na mas mapapahewas pa an potensyal kan Pilipinas bilang sarong nacion na sagana sa aquatic resources.
Dagdag pa ni Buenconsejo na pinaglalaoman na mas mahahasa pa kan nasabing departamento an kapasidad kan mga fisheries professional sa nacion.
