Nagpatanid an sarong lehislador na magkakaigwa nin epekto sa pagkaon an padagos na paglangkaw kan presyo kan liquefied petroleum gas (LPG) asin kerosene.
Segun ki Senior Citizens party-list Rep. Rodolfo Ordanes, posibleng magsadit o magin diit a sana an magiging servings sa kada karinderya.
Dugang pa kaini na an paglangkaw sa presyo kan langis an dae sana nakaka apektar sa sektor kan transportasuon kundi tatamaan man an industriya kan pagkaon.
Posible man na mapiritan an mga restaurants, bakeries asin nagkapirang karinderya na gumamit nin uring sa pagluluto.
Marurumduman na kan enot na aldaw kan Abril, nagpaotob nin dugang sa presyo na P5 kada kilo kan LPG na susundan nin panibagong P5 na dagdag presyo sa masunod na semana.
