Bako gabos kan namamanwaan an makikinabang sa ipigkakasar na P29 kada kilo nin bagas sa bulan kan Agosto.
Ini an nilinaw ni National Economic and Development Authority (NEDA) secretary Arsenio Balisacan katakod sa planong pagpapabakal kan gobierno nin baratong bagas na P29 per kilo.
Sa press briefing sa Malacañang, sinabi ni Balisacan na para sana sa mga benepisyaryo kan Pantawid Pamilyang Pilipino Program o 4Ps an P29 na presyo kan bagas kada kilo asin bako sa pangkagabsan.
Paliwanag kan opisyal na an nasabing lakdang kan gobierno an para sa mga dae kayang makasabay sa halangkaw na presyo kan bagas kaya dapat na matabangan kan gobierno.
Naghihiro na suboot an Department of Agriculture ngani na maisakatupadan an pagpapabakal nin P29 kada kilo nini bagas sa mga Kadiwa centers kan gobierno.
