Pasado na sa ikatulo asin huring pagbasa kan Kamara de Representantes an propwestong dugang na P200 sa aldawang minimum wage.
Sa botong 171 pabor, sarong kontra asin warang abstention, inaprubaran kan Kamara an propwestong Wage Hike For Minimum Wage Workers Act (House Bill 11376).
Sa irarom kan propwesto, an daily rate kan gabos nin minimum wage worker sa pribadong sektor, ano man an employment status asin nasa agricultural sector man o bako an mahalangkaw nin P200 kada aldaw.
An mga saradit na kompanya an pwedesir maghagad nin tabang sa Department of Labor and Employment (DOLE) nganing makasunod sa nasabing paglangkaw nin dugang na sweldo.
Exempted man sa pagpapaotob kan paglangkaw an Barangay Micro Business Enterprises (BMBEs).
Mientrastanto, an sisay man na indibidwal o kompanya na dae masunod an pwedesir magmulta nin P100,000 sagkod P500,000 o makakarsel nin duwa sagkod apat na taon.
