LEGAZPI CITY—Nakumpiskar kan mga otoridad an an nasa P170,000 kantidad nin pigtutubudang shabu asin badil sa ginibong buy-bust operation sa Barangay Mauraro, Guinobatan, Albay.
Narekober ini sa sarong 35-anyos na mekaniko asin pigkonsiderar na High-Value Drug Individual.
Kabale sa mga nakumpiskar an tulong plastic sachet nin pigtutubudang shabu na may gabat na pocomas o menos 25 gramos asin nagkakantidad na P170,000; siring man an sarong stainless caliber .38 na may apat na bala, genuine P500 bill na ginamit bilang buy-bust money; 25 na P500 bills na ginamit bilang boodle money; cellular phone; asin sling bag.
Ikinundusir an operasyon sa pinagsarong operatiba kan Guinobatan Municipal Police Station asin Regional Police Drug Enforcement Unit 5.
Nasa kustodiya na kan Guinobatan MPS an suspek para sa magkakanigong disposisyon.
