LEGAZPI CITY—Labi sa P10 million na kabilogang kantidad nin shabu asin marijuana an nakumpiskar kan Police Regional Office 5 sa bilog na bulan kan Marso 2025 sa rehiyong Bicol.
Segun ki PRO5 Regional Director PBGen Andre Dizon, sa intrevista kan Bombo Radyo Legazpi, na sa nasambitang kantidad igwa nin 150 indibidwal an naarestar sa operasyon kan ahensya.
Nairehistro an pinakahalangkaw na numero kan mga nakumpiskar na mga ilegal na droga sa provincia kan Camarines Sur.
An nakumpiskar na P10 million na kantidad nin shabu asin marijuana an may gabat nin 1 1/2 gramos.
Sinabi kaini na an matrayumpong operasyon an resulta kan pinagsarabay-sabay na partisipasyon kan komunidad asin kan law enforcement agencies.
Mientrastanto, pinasalamatan man ni Dizon an mga kapulisan huli kan saindang padagos na paggibo kan saindang mga responsibilidad partikularmente na sa paglaban kontra mga ilegal na droga.
