Sinabi kan transport group na MANIBELA na kulang pa an inaprobaran na P1 fare increase para sa gabos na public utility vehicles (PUVs) sa tahaw kan padagos na paglangkaw kan presyo kan langis.
Sinabi ni MANIBELA President Mar Valbuena na mas dakula an ganansya kan mga tawong naglilimos sa likod kan mga jeep kumpara sa mismong mga drayber.
Segun sa Land Transportation Franchising and Regulatory Board, mapoon an P1 dagdag para sa mga traditional jeepney sa P13 hasta P14 sa enot na apat na kilometro, asin magkakaigwa nin dagdag na 20 centavos kada kilometro puon P1.80 hasta P2.
Sa mga modern jeepneys, madagdag nin dos pesos an minimum fare poon P15 hasta P17.
Bako sakop kan surcharge an mga regular na taxi asin motorcycle taxi.
Antes an desisyon, hinagad kan MANIBELA na dagdagan nin P2 an mga traditional jeepneys, huli ta dakol na mga drivers an nalulugi nin P400–P500 kada aldaw huli sa halangkaw na presyo kan diesel.
Huli kaini, napipiritan an mga drayber na magbago nin schedule nganing maibitaran an kompetisyon sa mga pasahero, orog na sa mga off-peak hours.
 is still insufficient amid the continuous rise in oil prices.){kind=link}