LEGAZPI CITY—Nakumpiskar sa sarong indibidwal an pocomas o menos P1.7 milyong kantidad nin pigtutubudang shabu sa kinundusir na buy-bust operation kan mga otoridad sa Sitio Magkasili, Brgy. Mauraro, Guinobatan, Albay.
Pigkokonsiderar na high-value individual an suspek asin binistong si alyas “Ger,” 30-anyos, sarong motorcycle mechanic, asin residente kan Daraga, Albay.
Nakumpiskar digdi an maabot sa 251 gramos nin pigtutubudang shabu na nakabugtak sa duwang pidaso na heat-sealed transparent plastic sachet asin may estimated market value na PHP 1,706,800.00.
Sa presente nasa kustodiya na kan Guinobatan Municipal Police Station an suspek para sa magkakanigong dokumentasyon asin disposisyon.
Mahahampang an suspek sa kasong pagbalgar sa Republic Act 9165 o Comprehensive Dangerous Drugs Act of 2002.
