Legazpi City- Nagtitinir na buhay an operasyon kan Philippine Offshore Gaming Operators o POGOs sa nasyon sa ibong kan kasuguan ni Presidente Ferdinand Marcos Jr.
Segun kay Presidential Anti-Organized Crime Commission Spokesperson Winston Casio na labi pa sa 100 na mga ilegal POGO hubs an nagpapadagos an operasyon sa nasyon.
Nagtutubod man si Casio na kinakaipuhan an koordinasyon kan gabos na opisina kan gobyerno asin mga lokal na gobyerno magin sa Barangay para sa pagsierto na mawawara asin mapundo na an operasyon kan POGO sa Pilipinas.
Dugang pa ni Casio na an mga Barangay asin LGU an dapat na mangenot sa pagsasawata kan mga ilegal na aktibidad sa saindang mga nasasakupan.
Mientras tanto pinagsierto man ni Casio na dagos dagos an saindang mga operasyon laban sa mga ilegal na POGO sa nasyon.
