LEGAZPI CITY — Kinumpirmar kan Criminal Investigation and Detection Group (CIDG) na pinundo na an operasyon kan Kabus Padatoon (Kapa) Ministry International sa ciudad kan Legazpi puon pa kasuodma.
Sinabi ni PNP CIDG Bicol Director P/Col. Arnold Ardiente sa intrevista kan Bombo Radyo Legazpi, nakapalaman sa surat kan CIDG Albay office na dae na nagbukas an opisina kan Kapa sa ciudad kasunod kan kasuguan ni Presidente Rodrigo Duterte sa pagpapasarado kaini.
Dagos-dagos man an pakikipagkoordinar sa Securities and Exchange Commission (SEC) Legazpi Extension Office sa iba pang operasyon sa Bicol.
Bineberipika na man suboot an impormasyon dapit sa nangyaring orientation kan panibagong mga miembro kaini sa island province kan Masbate.
Ipigduon pa kan opisyal na kaipuhang mabantayang maray an anumang operasyon sa mga siring na investment scams tangarig maagapan aanng posibilidad kan langkaban na panloloko sa mga kahimanwa.
