Target kan Ombudsman na makapagsunad na nin kaso sa Sandiganbayan katakod kan isyu sa maanomalyang flood control projects sa masunod na bulan.
Sa pagbusisi sa propwestong pondo kan Office of the Ombudsman para sa masunod na taon, sinabi ni Remulla na posibleng maisunad an kaso sa laog kan 30 days.
Katakod ini kan mga reklamong isinunad kan Department of Public Works and Highways kun saen kabale an mga ebidensya hale sa Independent Commission for Infrastructure o ICI.
Sa saindang pagsusuri, magagayon suboot an mga ebidensya, maagi na sana sa kadiit na evaluation asin makakadagos na sinda sa preliminary investigation.
Sa suway na intrevista, ipigdoon ni Remulla na may mga kongresistang susunadan nin kaso sa Sandiganbayan.
Malamang suboot an kabale digdi si dating Congressman Elizaldy Co.
Dae man syerto kan opisyal kun igwang kabaleng senador na susunadan nin kaso.
Siring man, pigsyerto ni Remulla na paspasan an pagsusunad nin kaso sa Sandiganbayan.
