LEGAZPI CITY-Sasangatan nin kasong plunder ngonian na semana si Senador Rodante Marcoleta, susog kay Ombudsman Jesus Crispin Remulla.
Kairiba sa isasangat na kaso kan Sandiganbayan, igwang kinaaraman sa dai pagdeklara ni Marcoleta kan kontribusyon sa kampanya na nagkakantidad nin dai mababa sa P75 milyon.
Ipinahayag ini ni Remulla sa sarong press conference kan Lunes kun sain tinawan doon na laban ini kay Marcoleta.
Sinabi pa ni Remulla na afuera kay Marcoleta, mahahampang an iba pa sa parehong kaso kaiba na an dating mambabatas na si Mike Defensor, asin mga negosyanteng sina Joseph Varias Espiritu asin Aristotle Baluyut Viray.
Dagdag pa kan Ombudsman prosecutors, na mantang ipinahayag ni Marcoleta sa mga panayam na nakaresibe siya nin P75 milyon na donasyon sa kampanya, an kantidad na ini dai mahihiling sa saiyang 2025 Statement of Assets, Liabilities and Net Worth (SALN) o sa saiyang Statement of Contributions and Expenditures (SOCE) para sa saiyang kandidatura sa Senado kan taong 2025.
