Tulong indibidwal kaiba an sarong omboy, an binawian nin buhay mantang 18 iba pa an nairido sa mga pag-atake kan Russia sa Kyiv, an kabisera kan Ukraine.
Segun ki Mayor Vitali Klitschko, nagpuon an pag-atake gamit an mga drone asin sinundan nin missile strikes, na nagkawsa nin kasulo sa mga edificio, kaiba an sarong edificio kan gobyerno sa sentro kan ciudad.
Inireport na an omboy asin sarong joven na babae an nagadan sa mga drone attacks, mantang an sarong bados na babae an isinugod sa ospital.
Sarong may edad na babae man an nagadan sa sarong bomb shelter sa sirangang parte kan Kyiv.
Mantang nagkawsa man nin dakulang destroso sa mga residential building an pag-atake sa iba pang lugar sa Kyiv.
Nagkawsa man nin kasulo sa ibang mga high-rise na edificio an mga debris gikan sa mga nagbagsak na drone.
Inakusaran man kan pamayo kan military administration kan Kyiv, an Russia sa pagtuyo suboot kaini na pa-target sa mga sibilyan, na pignigaran kan Moscow.
Padagos man pignigaran kan parehong lado na nagta-target sinda nin mga sibilyan, alagad rinibong mga buhay na an nawara puon kan nangyari an giyera kan Pebrero 2022.
