Inapod kan Office of the Speaker na malisyoso an mga alegasyon na na-stroke asin dinara sa ospital si House Speaker Martin Romualdez.
Segun ki Head Executive Assistant of the Speaker’s Office Lemuel Erwin Romero na obheto kan mga nagpapalakop nin salang impormasyon na magdara nin kariribukan sa publiko.
Sinabi pa ni Romero na nag-atendir pa si Romualdes sa aktibidad kan Disyembre 6, kaibanan na an pagpirma sa Malakanyang ni Presidente Ferdinand Marcos Jr. sa duwang bagong ley.
Hinagad man kaini sa publiko na berepikahon an source kan saindang mga impormasyon asin magtiwala sa mga lehitimong media.
Katakod kaini, nangapudan man si Batangas Rep. Gerville Luistro na ipundo na an pagpapalakop nin mga salang impormasyon urog pang nasa marhay na salud man si Romualdez.
