LEGAZPI CITY — Napasakamot kan mga otoridad an Number 3 Most Wanted Personality kan San Pascual sa Masbate.
Binisto an akusadong si Randy Catingan, 35-anyos, sarong parasisira asin residente kan Sitio Bayanihan, Barangay Cueva sa nasambitan na banwaan.
Nagtarabangan an pinagsararong pwersa kan San Pascual Municipal Police, 1st Maneuver Company, asin Regional Public Safety Batallion para sa pagkakaarestar ki Catingan sa paagi kan bisa kan mandamiento de aresto na ipinaluwas ni Hon. Judge Maximino Ables kan Regional Trial Court Branch 47, Masbate para sa kasong 2 counts of Homicide.
P40,000 an rekomendadong pyansa para sa paramientras na libertad kan nasambitan na suspetsado.
