LEGAZPI CITY – Hinagad kan sarong lehislador na dapat buwagon na an National Task Force to End Local Communist Armed Conflict (NTF ELCAC).
Kasunod ini kan pagresign ni Vice President Sara Duterte bilang vice chairperson kan nasabing task force.
Sa intrevista kan Bombo Radyo Legazpi ki ACT Teachers Party-List Rep. France Castro, sinabi kaini na wara man nin naitabang para sa katuninongan kan nacion an binilog kan dating administrasyon na National Task Force to End Local Communist Armed Conflict.
Dae man naresolbar an conflict sa pagultangan kan New People’s Army asin kan gobierno.
Segun ki Castro nagsasayang sana nin dakulang pondo an gobierno para sa nasabing task force na dapat mas ipigtatagama sa ibang mas importanteng programa.
Alagad solamenteng si Presidente Ferdinand Marcos Jr. an pwedeng magdesisyon sa pagbuwag kan nasabing task force.
