Nagin matrayumpo an pagbabalik ni Nonito “The Filipino Flash” Donaire sa lona makalihis niyang masungkit an temporamenteng WBA bantamweight title sa paagi kan technical unanimous decision laban kay Andres Campos sa Buenos Aires, Argentina.
Nagpundo an laban sa ikasiyam na round makalihis an aksidenteng head collision na nagkawsa nin hiwa sa may toong mata ni Donaire, rason nganing dae na siya makahiling nin maray.
Sa ibong kaini, lamang si Donaire sa tulong scorecards asin inapod an kapangganahan bilang trayumpo niya asin kan nacion kan Argentina na nagtao saiya nin tyansa.
Ini an enot na laban ni Donaire makalihis an haros duwang taong pahingalo, huli sa aksidente sa behikulo asin dae natuloy na laban kay Roman “Chocolatito” Gonzalez.
Sa laban, ipinamalas liwat ni Donaire an saiyang eksperyensyang pang-kampeonato gamit an kombinasyon kan left and right hook.
Nakabawi nin pirang minuto si Campos alagad dae naghaloy an saiyang momentum.
Kapot na ngonian ni Donaire an kartadang 43-8 (28 KOs) asin siya na man an magigin mandatory challenger kay WBA champion Antonio Vargas.
Napabale siya liwat sa hanay kan mga kampeon sa 118 lbs division, kun saen siya an pinagurang na nakapagkampiyon sa kasaysayan.
Sa ibong kan dae natapos sa ideal na paagi ang laban, pinatunayan ni Donaire na may ibubuga pa siya sa ibong kan saiyang edad.
