LEGAZPI CITY—Takdag sa kamot kan mga otoridad an pigkonsiderar na No.1 Municipal Most Wanted Person kan Baras, Catanduanes.
Naarestar an akusado huli sa ipinaluwas na mandamiento de arestado para sa kasong Statutory Rape na warang pigrekomendang piyansa, asin duwang counts nin Acts of Lasciviousness na may pigrekomendang piyansa na P180,000 kada saro.
Ginibo an operasyon sa pinagsarong operatiba kan Baras Municipal Police Station, Regional Intelligence Unit 5 – Provincial Intelligence Team 6, asin Criminal Investigation and Detection Group Catanduanes Provincial Field Unit.
Presenteng nasa kustodiya kan Baras MPS an akusado para sa magkakanigong disposisyon.
