LEGAZPI CITY—Naarestar kan mga otoridad an pigkonsiderar na 7th Regional Most Wanted Person kan National Capital Region sa banwaan kan Prieto Diaz, Sorsogon.
Segun ki Sorsogon Police Provincial Office Police Major Arwin Destacamento, sa intrevista kan Bombo Radyo Legazpi, binisto an suspetsado na sarong 39-anyos, lalaki, warang agom, sarong paraoma, asin residente kan Barangay Carayat kan nasambitang banwaan.
An suspetsado may kasong panlulugos, child abuse, asin acts of Lasciviousness.
Maabot sa P80,000 an piyansang pigrerekomenda sa suspetsado para sa kaso kaining acts of Lasciviousness, mantang wara man na pigrekomendang piyansa sa kasong panlulugos.
Sa presente nasa kustodiya na ini kan Prieto Diaz Municipal Police Station para sa magkakanigong disposisyon.
