Ipigrekomenda kan National Bureau of Investigation (NBI) na sunadan nin kaso an mga personalidad ni dating Department of Public Works and Highways (DPWH) Undersecretary Roberto Bernardo katakod kan suboot anomalya sa flood control projects, segun ki Justice Secretary Boying Remulla.
Kaiba sa mga inirekomendang sunadan nin kaso nin indirect bribery asin malversation of public funds sinda Senador Chiz Escudero, Makati Mayor Nancy Binay, asin dating House Speaker asin Leyte Rep. Martin Romualdez.
Segun pa ki Remulla, naghagad man an Department of Justice (DOJ) sa Anti-Money Laundering Council (AMLC) na i-freeze ang mga assets ninda Escudero asin Binay basado sa reklamo kan NBI, mantang pigsasagibo an freeze order para kay Romualdez.
Nagluwas an rekomendasyon kan NBI kasunod kan akusasyon ni Bernardo laban kina Escudero, Binay asin Romualdez, pati na man ki Ako Bicol party-list Rep. Zaldy Co asin Department of Education (DepEd) Usec. Trygve Olaivar, na suboot imbuelto sa kickback sa infrastructure project.
