LEGAZPI CITY- Mahihiling na nin personal kan mga kahimanwa ni Miss Universe 2018 Catriona Magnayon Gray an ginamit kaining national costume sa prestigious international pageant na ginibo sa Bangkok, Thailand.
Maogmang ipigheras ni Arch. Carlos Buendia Jr., mentor ni Catriona asin saro sa mga nasa likod kan konsepto kan attire sa intrevista kan Bombo Radyo Legazpi na nasa pangangataman na suboot kan National Historical Commission of the Philippines (NHCP) an costume na ililibot sa mga museum sa nacion.
Segun pa ki Buendia o mas bisto man bilang “Kuya Caloy” ni Catriona, ipigkokonsiderar suboot kan 24-anyos na Bicolano beauty na “Mission Accomplished” an nangyari huli ta primary goal an makapagtukdo sa lambang Pilipino sa kun anong igwa an nacion.
Mismong si Catriona man suboot an naghayag na habo na magpagayon sana sa national costume na ginibo puon kan Hulyo asin mas importante pa man giraray an nakapalaman na istorya digdi.
Napag-araman na nasa labi 10 kilo an sinulot ni Catriona sa preliminaries puon sa head gear, brass belt, bangles, beaded bosy suit, mga sapatos asin an darakulang disenyo kan parol sa likod na panalmingan kan kultura asin historya kan bilog na Pilipinas.
