Nakatalaan nang magpuon ngunyan na Lunes, Oktubre 20, an voters’ registration activities na isasagibo kan Commission on Elections (Comelec) sa bilog na nacion.
Segun ki Comelec Chairman George Garcia, an panahon kan pagparehistro an madurar nin pitong bulan asin matapos sa Mayo 18, 2026.
Isasagibo an voters’ registration sa gabos nin rehiyon sa nacion, afuera na sana sa Bangsamoro Autonomous Region in Muslim Mindanao (BARMM).
Ipinaliwanag kan poll chief na dae kaiba sa aktibidad an BARMM huli sa igwa sindang sadiring voters’ registration schedule.
An registration activities sa nasabing rehiyon an ipigtakda man sa Mayo 1, 2026 asin matapos sa Mayo 18, 2026.
Basado man sa pagkarkulo kan Comelec, pwedesir maabot nin sagkod 1.4 milyong aplikante an maparehistro sa nationwide registration period.
Magigiromdomang enot nang naggibo nin voters’ registration an Comelec nationwide, na pinoonan kan Agosto 1 asin nagdurar sana kan Agosto 10, kun saen nakapagrehistro an poll body nin kabilogang 2,727,643 aplikante.
