LEGAZPI CITY – Ipigrekomenda kan nagkapirang ahensya an National ID sa pagresibi nin mga asistensya asin serbisyo kan gobierno.
Segun ki Philippine Statistics Authority Statistical Operations and Coordination Division Officer in Charge Rey Merjilla sa intrevista kan Bombo Radyo Legazpi na an national id na an primary id na pwedesir nang gamiton sa mga government asin bank transactions.
Pigtukoy pa kaini na an Department of Social Welfare and Development an pig-oobliga na dapat an may national id an mga benificiaries nganing ma-validate an identidad kan sarong indibidwal.
Paglilinaw niya man na nagpaluwas nin memorandum an saindang ahensya na nagsusugo sa gabos na institusyon sa nacion na gamiton asin tanggapon an national id.
Afuera sa PSA an pigtaram pa kan opisyal na nagpaluwas man nin kasuguan an Bangko Sentral kan Pilipinas na tanggapon an national ID sa gabos na mga transaksyon sa maski sain na bangko sa nacion.
Kadakol suboot an saindang application site para sa mga indibidwal na wara pang national id asin madali man sana kun kaya dapat aprobitsaran na ini kan publiko.
May mga safety features man an saindang mga id kun kaya mabeberipika tulos ninda kun peke ini asin an mga data an secure asin dae maa-access kan siisay man.
Pig-enganyar man ni Merjilla an publiko na aprobitsaran an national id application huli ta libre man sana ini asin dae magduwang isip na isumbong sa saindang ofisina kun may ahnesya kan gobierno o bangko an dae nagtanggap ki national id sa saindang mga transaction.
