Uminabot sa nasa 1,900 security personnel an idineploy ngani na siertuhon an seguridad sa nakatalaan na mga ministerial meetings ngunyan na Marso kan Association of Southeast Asian Nations (ASEAN) sa Boracay, na gigibuhon puon Marso 5 asin 6 asin sa Marso 26.
Sa nasabing numero, 1,000 an mga pulis na kadaklan an augmentation force hali sa manlain lain na mga police stations sa Aklan asin police provincial offices sa Western Visayas mantang an natatadan an ibang contingent kan Armed Forces of the Philippines (AFP), Philippine Coast Guard (PCG) asin Bureau of Fire Protection (BFP).
Sinierto man kan opisyal na preparado an saindang lado ngani na magin matanos asin matrangkilo an aktibidad kan ASEAN sa lugar.
An mga nagpapatrolyang pulis an magamit nin mga drones, body worn cameras mantang an patrol cars an kakabitan nin mobile digital recording para sa real-time monitoring kan PNP Command Center (PCC) sa national headquarters.
Napag-araman na an ASEAN Senior-Level Committee on Financial Integration na papangenotan kan Bangko Sentral ng Pilipinas na gigibuhon sa Marso 5 hanggang 6 mantang sa Marso 26 man an 44th ASEAN Capital Markets Forum Chairs’ Meeting na papangenotan kan Securities and Exchange Commission.
