LEGAZPI CITY-Maabot na sa 425 na mga gasolinahan sa nacion an nagpundo na kan saindang operasyon huli sa kakulangan nin suplay.
Segun kay Philippine National Police (PNP) spokesperson Brig. Gen. Randulf Tuaño, napiritan an mga kadsadiri kan gasolinahan na magsarado huli sa kakulangan nin suplay kan krudo.
Dagdag pa kaini na basado sa isinagibong monitoring kan Municipal Price Coordinating Council (MPCC), ubos na suboot an saindang stocks.
Basado sa saindang pagtataya, kadakol an nagsaradong operasyon sa parte kan Cordillera Administrative Region kun saen igwang 79 na gasolinahan an sarado na, asin sinundan kan Central Luzon na igwang 46, mantang 44 man sa Eastern Visayas.
Nasa apat na gasolinahan sa National Capital Region (NCR) an nagsarado man huli sa end of contract, kulang sa suplay o wara ng suplay.
An nasabing mga listahan, isinumiter na kan Philippine National Police (PNP) sa Department of Energy (DOE).
