LEGAZPI CITY- Kumpiyansa an Presidential Anti- Corruption Commission (PACC) na makusog an panibagong kaso na ipigsunad kontra ki Senator Antonio Trillanes IV kan kampo kan nagkapirang abogado.
Ipig-eksplikar ni PACC Commissioner Manuelito Luna sa intrevista kan Bombo Radyo Legazpi na makusog an ebidensya kontra sa senador na magbubusol kan reklamo na nag-ugat sa mga binutasang tataramon ni Trillanes kan ibaba an Proclamation 572 ni Presidente Rodrigo Duterte na ipigdedeklarang void an itinaong amnesty kan nakalihis na administrasyon.
Segun pa ki Luna, dakol na mararaot na tataramon an binutasan ni Trillanes kasabay kan garing pag-engganyar sa publiko nin “overthrow” sa gobierno.
Pinatutsadahan pa kan opisyal si Trillanes sa pagsasabing dae na man madadagos an reklamo kasabay kan pagtataong duon sa legal course of action na pigdulog ninda Labor Usec. Jacinto Paras, Atty. Elligio Malari asin si Luna.
Kaibanan sa mga kinakahampang na reklamo ni Trillanes an inciting to sedition asin proposal to commit coup ‘d etat.
Napag-aramang nagsumitir naman nin counter-affidavit an kampo kan senador mantang nakatalaan na liwat na maghampang an duwang lado sa Nobyembre 8.
Sa ibong kaini, nasa Pasay City Prosecutor’s Office man suboot giraray an “final say” asin “verdict” kun makakapagpadagos an nasabing kaso o maibabasura na
