Dakol na mga protesters an inarestar makalihis na makasagup an mga kapulisan sa Melbourne.
Segun sa mga kapulisan na pinagbabato sinda nin mga bote na igwang asido asin target kan mga ini an military hardware sales show.
Maabot man sa 20 mga kapulisan an nairido makalihis sindang pagbabatuhon kan mga protesters.
Huli digdi, guminamit na an mga kapulisan nin tear gas asin rubber bullets.
Kinondinar man ni Australian Prime Minister Anthony Albanese an insidente kun sain ipinaliwanag na dae man pinagbabawalan an mga Australians na magsagibo nin protesta alagad dapat na gibuhon suboot ini nin matrangkilo.
Sa pagkakarkulo kan mga otoridad, igwa na nin labi sa 1,200 na mga protesters an tinarget na laugon an Land Forces International Land Defence Exposition kun sain an iba an igwa pang dara na bandera kan Palestine.
