Liwat na nagkawsa nin pagkahadit an pagkakadiskubre nin mga kabaong sa nagkapirang parte kan Metro Manila.
Sarong kabaong an iwinalat harani sa Chinese Consulate sa Barangay Bel-Air, Makati City.
Saro man an nadukayan sa Plaza Sta. Cruz sa Manila.
Segun sa mga otoridad, ini na an ika-apat na insidente makalihis m amataan man an kaparehong mga kabaong sa Caloocan City, Quezon City, asin Makati City.
Sa laog kan mga kabaong, igwang mga ladawan nin nagkapirang Chinese official asin communist leader na igwang nakasurat na “salot” asin “greedy.”
Sa presente, wara pang grupo o indibidwal na nag-aako sa pagpapalakop kan mga kabaong.
Padagos man an imbestigasyon kan mga kapulisan ngani na maaraman an motibo asin kun siisay an nasa likod kan nasabing insidente.
