LEGAZPI CITY- Pigpoproblema kan nagkapirang mga barangay sa Catanduanes an supply kan pagkaon sarong semaa makalihis mangrapado an Super Typhoon Pepito sa probinsya.
Segun kay Nenita Taraya, an kapitan kan brgy. Cabugao, Bato kan naunambitang probinsya sa intrevista kan Bombo Radyo Legazpi na apektado an supply kan pagkaon nin huli ta nagkakararaot an saindang pigkukuwaan ki makakaon sa pang-urualdaw.
Dae man suboot nakakatrabaho an iba nin huli ta nakatuon an pansin kan saiyang mga ka-barangay sa pag irahay kan saindang kaharongan.
Wara man naireport na may nakulugan sa saiyang nasasakupan nin huli ta napaghandaan ninda an bagyo asin mga kaharongan na gibo sa light materials an kadaklan na na-totally damage kan mangrapado an Bagyo sa probinsya.
Segun sa opisyal na kadaklan sa mga naraotan ngunyan an paramientras na naggigibo kan saindang temporamenteng kakaturugan asin masisirongan.
Nagalaom ini na matawanan an saindang barangay kan assistance na pigtao ni Presidente Ferdinand Marcos Jr. sa probinsya nin huli ta namomroblema man an saindang barangay sa pagkaon.
Nangangadyi man ini na dae magkaigwa nin helang an saiyang mga kabarangay nganing dae na makadagdag sa saindang pigpoproblema.
