LEGAZPI CITY – Naglilibot ngonian an water lorry kan Albay Public Safety and Emergency Management Office (APSEMO) sa nagkapirang banwaan asin ciudad tangarig na magsuplay nin tubig.
Sa intrevista kan Bombo Radyo Legazpi ki APSEMO chief Dr. Cedric Daep, kaibanan sa mga pigsusuplayan an banwaan kan Tiwi, Malilipot, Oas magin an sarong barangay sa ciudad kan Legazpi.
Potable water supply suboot an dara kan behikulo na nagrarasyon sa mga local government unit na labing naapektaran an water sources sa init kan panahon na namamatian.
Inasegurar man ni Daep na bastante an resources sa pondo kan fuel para sa pagilibot kan behikulo.
Enot naman na nagpaabot nin reklamo sa Bombo Radyo an tulong barangay sa banwaan kan Oas makalihis na mawaran nin suplay kan tubig puon pa Hunyo 7.
Mientras tanto, ipighayag man ni PAGASA Deputy Admin for Operations and Services Dr. Landrico Dalida Jr. sa suway na intrevista na nagtetenir na nasa Drought Category an Albay huli sa kakulangan nin bagsak kan uran.
