LEGAZPI CITY – Talamak sa ngonian sa nacion kan Australia an mga kasong may kinaaraman sa love scam urog nang kakatapos pa sana kan aldaw nin mga puso.
Segun ki Bombo International Correspondent Denmark Suede sa intrevista kan Bombo Radyo Legazpi na nagpoon kan advent kan internet an paglobo kan mga nasambitang mga kaso.
Susog man suboot sa iniluwas na datos kan Australian Federal Police, maabot sa 5,000 an nabiktima kan love scam kan nakaaging taon na katampad nin 23 Million Australian dollars an nakulimbat kan mga scammers.
Pigdugang pa kaini na kadaklan sa mga na-trace kan mga otoridad sa nasambitang nacion an haros 250 na filipino an may kagibo asin nag-ooperate sa mga scamming centers sa Pilipinas.
Dae na suboot nadadara an mga tawo sa mga insidente nin panloloko sa panahon kan digital age kun sain pwedesir na totoo o bako an saindang nakaka-olay online.
Pigpapalala man kan AI an paglakop kan love scam sa australia siring man an mga ilegal na POGO operations sa Pilipinas.
Madali man maloko an sarong tawo kun urog nang naghahanap ini nin makaka-olay asin kalinga kan ibang tawo.
Pigtaram pa ni Suede na sa kagayunan an advance man an Australia sa paglaban kan mga scam kompara sa Pilipinas na talamak na hasta sa ngonian
