LEGAZPI CITY- Nakatapok sa kanal an sarong motorista makalihis na aksidenteng mabangga nin bus sa Brgy. Salugan banwaan kan Camalig.
Sa imbestigasyon kan Camalig Municipal Police Station, nagluluwas na pigbabaybay kan duwang behikulo an magkaibang direkyon kan mag-overtake an bus sa sarong jeep alagad kasabatan palan an nasambitan na motor.
Binisto an drayber kan Mega bus line na si Ariel Gosmo, 40-anyos na residente kan Brgy. Aluyaw Daet sa probinsya kan Camarines Norte mantang an biktima iyo si Bernie Martillana, 29-anyos kan Malabog Daraga, Albay.
Lugad sa manlaen-laen na parte kan hawak an sinapar ni Martillana makalihis na makatapok sa kanal huli sa makusog na impact kan banggaan.
Tulos man ining ipiglunad sa nagrespondeng ambulansya asin presenteng pigbubulong sa Bicol Regional Teaching and Training Hospital (BRTTH.)
Dinakop man kan mga pulis si Gosmo para sa magkakanigong disposisyon.
