Nauli sa trahedya an pag-iwal kan mag-agom makalihis pagtitigbason kan mister an saiyang misis huli sa planong pagtrabaho kaini sa Maynila.
Nangyari an krimen bandang alas-5 ng hapon kan Hunyo 5, 2025 sa mismong harong kan mag-agom sa Barangay Tenani, Paranas, Samar.
Susog sa imbestigasyon kan Paranas Municipal Police Station, nag-init an iwal kan duwa hasta sa kuminuwa nin sundang an lalaki asin pirang beses na inundayan nin saksak an saiyang esposa.
Dead-on-the-spot an 38-anyos na biktima.
Kan mahiling na wara nang buhay an saiyang misis, tulos man nagpagadan an 48-anyos na suspek sa paagi kan pagsaksak sa sadiri.
Naabutan kan mga pulis an bangkay kan babae sa likod kan harong, mantang nasa laog man ang duguang hawak kan lalaki.
Narekober sa pinangyarihan an duwang sundang na ginamit sa krimen.
Nabayaan kan mag-agom an saindang walong aki na ngonian an ulila na.
