LEGAZPI CITY- Sinayumahan kan 903rd Infantry Brigade kan Philippine Army an mga baretang nangha-harass sinda nin mga sibilyan na pigsususpetsaran na myembro kan New People’s Army (NPA.)
Sinabi ni Col. Fernando Trinidad, commanding officer kan nasambitan na infantry brigade na an totoo, mawot kan komunistang grupo na dae pagpakiaraman kan mga soldados an mga lugar na pigkokontrol kan mga ini.
“Lawless” suboot an NPA kun kaya dae sinda pwedesir na mang-klamar nin ano man na lugar.
Dugang pa kaini, kan magdeklarar nin “all out war” an gobyerno, “all out war” man sinda sa rebeldeng grupo.
Sa ibong kaini, ipighayag man ni Trinidad na bukas man giraray sinda para sa peace talks kun sain pwedesir na pag-olayan kan duwang lado an mga mawot nindang mangyari.
Kun mag-abot suboot ini sa katoninongan, siertong tatabangan kan gobyerno an mga masurindir na myembro sa paagi kan mga programang ipigtagama para sainda.
Alagad kun iwal man giraray an magin kaluwasan kan pag-oolay, maisog na sinabi ni Trinidad na makikibakbakan sinda sa NPA.
Sa ngunyan, pangapodan kan opisyal an tabang kan mga sibilyan para sa dagos na ikakatoninong sa probinsya kan Sorsogon.
