Balik Pilipinas si Mikey Williams nganing magbale sa Strong Group Athletics para sa 34th Dubai International Basketball Championship na gigibuhon sa January 24 hasta February 2, 2025.
Makalihis an haros duwang taong pagtetenir sa Estados Unidos nin huli sa isyu sa kontrata sa TNT Tropang Giga, tulos na nag-diretso si Williams sa ensayo kan koponan pag-abot sa Manila.
Segun kay Coach Charles Tiu, nasa magayon kondisyon si Williams asin preparado nang magkawat.
Makakaiba ni Williams sa Strong Group an mga batikang parakawat arug nina DeMarcus Cousins, Andray Blatche, Rhenz Abando, asin Dave Ildefonso.
Obheto kan koponan na makabawi makalihis an pagkadaog sa Al-Riyadi kan nakaaging taon.
An pagbabalik ni Williams an piglalaomang magtatao nin kadugangang kusog sa saindang kampanya sa Dubai.
