LEGAZPI CITY – Kamawotan kan nagkapirang miembros konsumidores kan Albay Electric Cooperative an maray na serbisyo nganing magin makatarungan para sa sainda an 10 pesos na dagdag singil sa kuryente.
Segun ki Alda Olca na konsumidores gikan pa sa Barangay San Roque, Legazpi City sa intrevista kan Bombo Radyo na nag-atendir siya sa Annual General Membership Assembly 2025 nganing maidulok an saiyang problema na may kinaaraman sa kuryente.
Paghistorya niya pa na haros patay sindi an supply kan kuryente sa saindang lugar urog na kun banggi asin labing init kan panahon.
Kahagadan niya man an marikas na pagresponde kan saindang mga personahes kada may nangyayaring dae pinaglalaoman na insidente na may kinaaraman sa kuryente o maski poste kaini.
Pigtuga man kaini na haros balik-balik na sinda sa Aleco bago matawan nin aksyon an saindang pigdulok na problema.
Kun may tyansa si Olca na maka-olay an mga pamayo kan Aleco an mawot niyang maipaabot an urualdaw na pigpoproblema kan saiyang barangay mapadapit sa maluyang supply kan kuryente asin posibilidad na pagkakaigwa nin jumper.
