LEGAZPI CITY- Padagos na nakaka eksperyensya nin mga drone asin missile attack an Lebanon hali sa Israel.
Ini makalihis an pahayag ni Israeli Prime Minister Benjamin Netanyahu na dae kaibanan an Lebanon sa ceasefire sa pagultangan kan Estados Unidos asin Iran.
Segun ki Bombo International News Correspondent Catalina Lampago na dae maibitaran na dakol na mga Pilipino sa nasabing nacion an maka eksperyensya nin trauma huli sa mga pagsabog.
Igwa suboot na mga pagkakataon na nagkapirang metro na sana an disyansya sainda kan mga pag-atake sa lugar.
Aminado ini na dae nawawara an saindang pagkahadit para sa saindang buhay.
Dagdag pa ni Lampago na sa presente dagos man liwat an repatriation para sa mga Pilipino na mawot na mag-uli sa Pilipinas.
Igwa man suboot sindang nareresibe na ayuda hali sa gobierno alagad nagduduwa-duwa na bayaan an saindang mga trabaho sa ibong kan sitwasyon.
