Nagluwas sa isinagibong survey kan OCTA Research na kadaklan kan mga Pilipino an nagtutubod na China an pinakadakulang huma para sa seguridad kan Pilipinas.
Sa nasabing survey, nagluwas na 76% an nahahandal sa mga pinaggigibo kan China asin an huma na dara kaini sa seguridad kan nasyun.
Naglangkaw ini nin nasa 17% magpuon kan magtukaw sa pwesto si Presidente Ferdinand Bongbong Marcos Jr.
Nakapanduwa man sa listahan kan mga huma para sa Pilipino an Russia na nakaguno sana nin 9% kan mga respondents.
Sa ibong kaini, nasa 44% man kan mga Pilipino an nagtutubod na may positibong epekto para sa ekonomiya kan Pilipinas an pakikipag-amigo sa China.
Isinagibo an nasabing survey sa paagi nin face-to-face interviews sa nasa 1,200 na mga respondents puon kan Marso 11 hasta 14.
