LEGAZPI CITY- Dae nagpapugol an pwersa kan rebeldeng grupong New People’s Army (NPA) sa paglulunsar nin mga aktibidad sa tahaw kan ika-119 selebrasyon kan Independence Day.
Sa nagunong impormasyon kan Bombo Radyo Legazpi, nairehistro an panghaharass kan mga pigtutubudang rebelde sa Cuyaoyao detachment sa banwaan kan Pioduran sa Albay na naenot sanang dikit na oras sa nangyaring panghaharass man sa ciudad kan Ligao.
Dae man maaraman kun pira an kabilugang numero kan naglunsar kan kariribukan.
Naka-posisyon an mga ini poco mas o menos 500 metros sa sulnupang parte kan detachment kan magpauran nin sarong magazine nin bala gikan sa 5.56 rifle mientras na nagpasabog pa sa poco mas o menos 150 metros an distansya sa detachment.
Wara man na nairehistrong casualty sa nasabing insidente.
