Inihayag kan Department of Justice (DOJ) na posibleng mas dakol pang personalidad afuera sa sarong ‘celebrity’ an imbwelto suboot sa pagkawara kan mga biktimang sabungero.
Segun kay Justice Secretary Jesus Crispin Remulla, posibleng may iba pang mga bistong personalidad an pig-iimbestigaran mapadapit sa mga nawawarang sabungero.
Alagad nagsayuma munang kumpirmahon kan nasabing kalihim kun igwang katotohan na kaiba sa kasabwat kan ‘mastermind’ an sarong bistong babaeng artista.
Dae muna siya suboot magtatao nin kumento asin kumpirmasyon mapadapit digdi huli ta kaipuhan pang maberipika an impormasyon.
Kaya kanya munang sinabi na igwa asin mas kadakol pang ibang mga indibidwal an kaiba o posibleng imbwelto man sa kaso kan pagkawara kan mga sabungero.
Huli digdi an saiyang mang ipig-orgolyo na kadakol na development na suboot sa kanilang isinasagawang pag-iimbestiga urog na sa mga impormasyong padagos na pighihiling asin pig-aadalan.
Kun saen hagad niya an mas halabang pasensya asin pira pang kadugangang panahon nganing maaraman an katotohanan mapadapit sa kaso.
Kaugnay pa digdi an saiyang pang kinumpirma na an kagawaran an nagsurat na sa gobyerno kan Japan nganing maghagad nin tabang.
Mawot kayang maaraman kan Department of Justice an katotohan sa mga isinawalat kan testigong binisto bilang si alyas ‘Totoy’.
 revealed that more personalities besides a celebrity may be involved in the disappearance of the sabungero victims.){kind=link}