LEGAZPI CITY – Nagigin kawsa sa paggabat nin trapiko sa syudad kan Legazpi an mga pasaway asin matatagas an payo na mga driver.
Segun kay Police Executive Mass Sergeant Carlos Paña, an tagapagtaram kan Legazpi City Police Station sa intrevista kan Bombo Radyo Legazpi na grabe an sitwasyon kan traffic sa parte kan sarong mall sa may tahao road asin nagdudugang man sa paggabat an mga pasaway na driver na basta basta na sanang nagsusuksok asin nakiki-inotan.
Nagtatao man sainda nin problema an mga pasaway na mga driver na naga-illegal parking sa mga pampublikong tinampo partikular na sa may food park na sakop kan Brgy. Bitano.
Base man sa saindang obserbasyon na haros oras oras an nagigin peak sa gabat kan trapiko sa syudad lalo na kun abo mag-bigayan an mga driver sa tinampon tuyong oras nin rush hour.
Pigtawan doon man kan opisyal na bako totoo an mga sabi-sabi na nagkakawsa suboot nin trapiko an mga pulis na nagmamando nin huli ta sinda an nagtatao nin sulusyon nganing gabos matawan nin oras para mag-agi.
Sa presente, may mga nagkapirang driver na sindang nasita sa pag counterflow nin huli ta pighuhuna kan mga ini na makakaenot sinda sa mga nagsusunod sa batas trapiko.
Pangapodan ni Paña na mag-agi na sana suboot an mga driver sa mga alternatibong agihan nganing dae na maipit sa traffic lalo na pag abot nin rush hour asin pagdagsa kan mga tawo sa mga mall.
